Një nga kështjellat më të famshme të Gjermanisë po feston një moment historik. Viti 2016 shënon 165 vjet që kur filluan ndërtimet në Kështjellën Hohenzollern, ndërsa vitin e ardhshëm do të bëhen 150 vjet që nga përfundimi i ndërtimeve.
Një imazh me të vërtetë përrallor. Kështjella Hohenzollern është ndërtuar në majë të një mali 234 metra të lartë, e rrethuar nga pyje të dendur afër Alpeve Shvabiane në jug të Gjermanisë. Oborri, kullat dhe urat të kujtojnë përrallën e Hirushes – ose mbase shkollën e Harry Potter-it.
Është një nga kështjellat më të famshme gjermane, e përshkruar në shumë piktura, foto dhe fletëpalosje për turistët.
Brenda kështjellës, vizitorët ecin nëpër dhoma luksoze plot piktura, skulptura dhe vazo.
Është ndërtuar ashtu si mendohet se janë kështjellat: ekstravagante, luksoze dhe romantike.
Ndërtimi i saj filloi rreth 165 vjet më parë, dhe viti i ardhshëm shënon 150 vjet që nga përfundimi i ndërtimeve. Është kështjella e tretë e ndërtuar në të njëjtin vend, e para ishte ndërtuar në shekullin e XI-të.
Dy kështjellat para saj ishin froni i dinastisë Hohenzollern – por kjo e fundit u ndërtua me qëllim për të treguar bashkësinë e gjermanëve.
Pronarët e kështjellës janë dy degët e dinastisë Hohenzollern: linja katolike shvabiane dhe ajo prusiane dhe protestante.
U ndërtua nga princi i atëhershëm i Prusisë, Frederick Wilhelm i IV.
Me oborrin e saj mesjetar dhe kullat, ajo duket sikur është më shumë se 150 vjeçare – një stil i popullarizuar gjatë shekullit XIX.
Çdo vit, 300 000 vizitorë vijnë nga e gjithë bota, duke përfshirë SHBA, Evropën dhe Kinën.
Ajo është e hapur për vizitorët gjatë gjithë vitit.