Në Kosovë, autoritetet janë vënë në përpjekje që të sigurojnë mbështetjen e opozitës për të miratuar marrëveshjen për shënimin e kufirit me Malin e Zi, që çoi në krizë të thellë politike në vend. Opozita nuk pajtohet me marrëveshjen, meqë sipas saj, ajo lë jashtë territorit të Kosovës mbi tetë mijë hektarë tokë. Por, çështja e liberalizimit të vizave ka vënë në lëvizje partitë politike në Parlamentin e Kosovës për të gjetur një zgjidhje për këtë çështje, e cila është edhe kriter i Bashkimit Evropian për lëvizje të lirë. Nga Prishtina njofton korrespodenti ynë, Leonat Shehu.
