Lidhje

Protestuesit ndalojnë makinën e Ali Ahmetit në Kumanovë


Një grup protestuesish në Kumanovë u përpoqën të dielën ta pengojnë autokolonën e kryetarit të Bashkimit Demokratik për Integrim, Ali Ahmeti që të marrë pjesë në një takim me qytetarë të Kumanovës, në kuadër të fushatës parazgjedhore.

Disa protestues qëlluan me gurë makinat e zyrtarëve të BDI-së. Më herët, protestuesit kishin paralajmëruar z. Ahmeti që të mos shkonte në qytetin e tyre për shkak të dyshimeve që ata kanë eventualisht për përzierjen e tij në ngjarjet e përgjakshme të vitit të kaluar në Kumanovë.

Ndërkohë, BDI-ja i quajti protestuesit një grup të vogël provokuesish të dhunshëm, ndërsa i dënoi aktet e paligjshme kundër autokolonës së partisë.

“Ne shprehim keqardhje për përdorimin e turpshëm të dhimbjes së njerëzve nga disa grupe të reja politike të cilat duan të afirmohen nëpërmjet akteve të dëshpëruara”, thuhet në një komunikatë të Bashkimit Demokratik për Integrim.

Trego komentet

XS
SM
MD
LG