Lidhje

Një shkollë e mesme proteston kundër zotit Trump


Washington-area high school students near the Library of Congress in Washington protest Donald Trump’s election as president, Nov. 15, 2016.

Washington-area high school students near the Library of Congress in Washington protest Donald Trump’s election as president, Nov. 15, 2016.

Rreth një mijë gjimnazistë nga kryeqyteti amerikan dhe zonat përreth braktisën mësimin për të zhvilluar një marshim në qytet të martën me nota proteste kundër presidentit të sapo zgjedhur Donald Trump.

Një klub i të drejtave të njeriut nga Shkolla e Mesme “Woodrow Wilson” i lajmëroi nxënësit përmes medias sociale dhe u dërgoi email prindërve lidhur me synimet për të organizuar protestën. Lakita Porchia është nëna e një studenti protestues.

“Kur fola me tim bir ai më sqaroi se donte të tregonte unitet me shokët e tij dhe se nuk i besonte prentendimet e zotit Trump.”

Disa studentë kishin veshur bluza me mbishkrimin “grua e ulët”, një referencë ndaj komentit që zoti Trump bëri për kundërshtaren demokrate Hillary Clinton.

Edhe pse këta studentë nuk mund të votojnë, ata dëshironin të shprehnin qëndrimin e tyre ndaj presidentit të zgjedhur. Matt Floid është njëri prej tyre.

“Kjo do të thotë unitet dhe e kemi shprehur zëshëm qëkur u mblodhëm. Në një mënyrë duhet të reagojmë ndaj retorikës, nuk mund të kemi një vend ku retorika e mbushur me urrejtje pranohet nga shoqëria. Kjo është qesharake.”

Në mbarë vendin janë zhvilluar protesta masive të përditshme, që nga fitorja e zotit Trump ndaj zonjës Clitnon. Por tani, grupe aktivistësh po hartojnë planet për një protestë ditën që zoti Trump do të bëjë betimin.

Mbi 80 mijë njerëz kanë nënshkruar në Facebook për të marrë jesë në Marshimin e Grave në Uashington me 21 janar.

Në një intervistë televizive të transmetuar të dielën, zoti Trump tha se amerikanët nuk kanë pse të frikësohen nga presidenca e tij.

Të premten ai shkroi në Twitter se i pëlqen fakti që ka grupe të vogla që kanë pasion për vendin dhe parashikoi se “ne të gjithë do të jemi të bashkuar dhe krenarë”.

Trego komentet

XS
SM
MD
LG