Lidhje

Arrestohet shefi i kardiologjisë në Shkodër, Edi Smajlaj

  • Pëllumb Sulo

Hospital of Shkodra

Hospital of Shkodra

Policia e Shkodrës arrestoi të mërkurën në mbrëmje shefin e Pavionit të Kardiologjisë në Spitalin Rajonal të Shkodrës, Edi Smajlaj. Ai dyshohet se ka falsifikuar dokumentet shëndetsore të pedagogut Simon Lufi, i arrestuar një ditë më parë për korrupsion pasiv.

Sipas njoftimit të policisë, arrestimi i mjekut Smajlaj u bë pas verifikimit të informacionit se në Spitalin Rajonal të Shkodrës po kryheshin veprime të jashtligjshme në favor të personave të arrestuar.

Zoti Smajlaj, i cili gjatë dy ditëve të fundit nuk ka qenë në detyrën e mjekut të rojës, dyshohet se ka falsifikuar kartelën mjekësore për pacientin Simon Lufi, pedagog në Universitetin e Shkodrës, i arrestuar një ditë më parë nga policia.

Shefi i katedrës së historisë, Simon Lufi, pas arrestimit kishte kërkuar ndihmë mjeksore në repartin e urgjencës së spitalit.

Së bashku me të, një ditë më parë, policia kishte arrestuar 9 persona dhe kishte shpallur në kërkim 5 të tjerë si të dyshuar për krijimin e një skeme korrupsioni në Univërsitëtin e Shkodrës.

Të arrestuarit e djeshëm janë pedagogë, studentë dhe sekserë, të cilët dyshohet se bashkëpunonin duke favorizuar në provime studentë të veçantë përkundrejtë shumave nga 200 deri në 700 euro.

Trego komentet

XS
SM
MD
LG