Njoftohet se Turqia dhe Rusia kanë rënë dakord mbi një plan armëpushimi për Sirinë dhe po punojnë që ai të hyjë në fuqi në mesnatë.
Agjencia turke e lajmeve Anadolu njofton se plani i ri synon të zgjerojë armëpushim në qytetin e Alepos, por nuk përfshin grupet terroriste.
Ministri i jashtëm turk, Mevlut Çavusoglu, i cituar nga agjencia e lajmeve Reuters, tha se Ankaraja nuk e ka ndryshuar mosmiratimin që presidenti Bashar al-Assad të qëndrojë në pushtet.
Javën e kaluar, Rusia, Irani dhe Turqia miratuan një deklaratë që përcaktonte parimet rreth të cilave do të arrihej çdo marrëveshje e mundshme në Siri.