Disa dhjetra të rinj të Forumit Rinor të Partisë Demokratike tentuan sot pasdite të pengojnë kryeministrin Edi Rama të marr pjesë në një takim të paralajmëruar me të rinjtë e qytetit të Shkodrës, që votojnë për herë të parë.
Me thirrjet “Rama Ik “, të rinjtë e Partisë Demokratike bllokuan për disa minuta hyrjen e qytetit, tek Ura e Bunës, përnga pritej të kalonte kryeministri Rama.
Forcat e policisë vendore kanë ndërhyrë me shpejtësi duke zhbllokuar urën dhe duke lejuar levizjen e eskortës që shoqëronte kryeministrin në drejtim të qytetit, ku po zhvillohet takimi i planifikuar me të rinjtë shkodranë që votojnë për herë të parë. Më pas, protestuesit kanë qendruar edhe për disa minuta në sheshin përpara Urës së Bahçallekut, ndërsa forcat e policisë kanë mbajtur nën kontroll lëvizjen e automjeteve.
Incidenti u parapri nga një tjetër, në orët e paradites, kur pati përplasje mes policisë bashkiake dhe asaj të rendit për vendin ku do të ngrihej tenda e tubimit që do të zhvillonte Partia Socialiste
Facebook Forum