Lidhje

Dy sulme të kryengritësve në Bagdat


Kryengritësit në Bagdat shpërthyen makina bombë në dy objektiva të ushtrisë irakiane duke vrarë të paktën 11 ushtarë dhe plagosur 28 të tjerë. Policia tha se sulmi i parë u krye në bazën ushtarake irakiane në qendër të qytetit. Shtatë ushtarë u vranë.

Një autobombë tjetër shpërtheu në një postbllok në jug të Bagdatit duke vrarë katër ushtarë të tjerë. Grupi terrorist i Abu al Zarqawit mori përgjegjësinë për shpërthimin e parë me anë të një mesazhi në internet, vërtetësia e të cilit ende nuk është provuar.

Shpërthimet pasojnë vrasjen të martën të një gjykatësi kurd dhe djalit të tij avokat, të cilët punonin për gjykatën e posaçme irakiane që po gjykon Sadam Huseinin dhe ndihmësit e tij. Një i afërt i tyre tha se të dy u ekzekutuan kur po dilnin nga shtëpia e gjykatësit në Bagdatin verior. Nuk është ende e qartë nëse vrasjet lidhen me punën e tyre në gjykatë. Por të hënën gjykata tha se kishte prova të mjaftueshme për të filluar procedurat kundër 5 të pandehurve, përfshi vëllanë nga nëna të Sadam Huseinit.

XS
SM
MD
LG