Lidhje

Çmimet e naftës përsëri në rritje


Çmimet e naftës i kapërcyen sot 57 dollarë për fuçi, mes shqetësimit të vazhdueshëm se OPEK-u nuk do të jetë në gjendje që të qetësojë tregjet duke shtuar sasinë e prodhimit.

Çmimet botërore të naftës kanë arritur shifra rekord ditët e fundit, megjithëse 11 vendet anëtare të OPEK-ut, e shtuan prodhimin.

Më 16 mars, OPEKU e shtoi prodhimin e naftës me 500 mijë fuçi në ditë, nga 27 milion fuçi në 27, 5 milion fuçi. Pavarësisht shtimit të prodhimit, çmimet vazhduan të rriten. OPEKU po konsideron shtimin e kuotës së prodhimit me afro 500 mijë fuçi.

Gjendjes së trazuar të tregut i janë shtuar edhe kërcënimet e sotme të dy sindikatave të naftës në Nigeri për t’u hedhur në grevë. Nigeria është prodhuesi më i madh afrikan i naftës dhe pjestare e OPEKUT.

Këtu në Shtetet e Bashkuara çmimi i naftës është rritur me rreth 12 centë gjatë dy javëve të fundit duke arritur nivele rekord. Çmimet pritet të rriten ndërkohë që shtohet kërkesa gjatë muajve të verës.

XS
SM
MD
LG