Lidhje

Nasa anulon nisjen e anijes Diskavëri në hapësirë


Agjencia amerikane e Hapësirës anuloi nisjen sot në hapësirë të anijes Diskavëri, për shkak të një difekti në sensorin e serbatorit.

Nasa nuk ka njoftuar ende një datë të re për nisjen e anijes. Zyrtarët e agjencisë amerikane të hapësirës thanë se nuk kanë përjashtuar përpjekjet për një nisje nesër. Ata thanë se kanë një afat kohor prej dy javësh për tu përpjekur përsëri për nisjen e anijes.

Agjencia tha se problemi kishte të bënte me një nga sensorët e katër motorëve në serbatorin e jashtëm.

Nisja e Diskavërit do të jetë i pari mision i Nasës në hapësirë pas katastrofës së anijes Kolumbia dy vjet e gjysmë më parë.

Nasa anuloi të gjitha planet për fluturimet në hapësirë që nga shkurti i vitit 2003 kur anija Kolumbia u shkatërrua në hapësirë ndërsa po hynte në Tokë duke vrarë të shtatë astronautët në bord.

XS
SM
MD
LG