Lidhje

Zyrtarët nigerianë thonë se të gjithë pasagjerët e avionit të rrëzuar kanë humbur jetën


Zyrtarët e Nigerisë thonë se mesa duket të gjithë udhëtarët e aeroplanit që u rrëzua mbrëmë në Lagos kanë gjetur vdekjen. Në avionin e tipit Boing 737 kishte 117 udhëtarë së bashku me ekuipazhin. Zyrtarët e Kryqit të Kuq thonë se nuk ka shenja për ndonjë të mbetur gjallë.

Zyrtarët nigerianë dhe shtypi shtetëror njofton se mbeturinat e aeroplaniot të shoqërisë Bellview Airlines u gjetën në shtetin Ogun, jo larg nga Lagosi. Njoftimet e mëparshme vinin në dukje se aeroplani kishte rënë në shtetin Oyo, rreth 200 kilometra në veri të Lagosit.

Aeroplani, me destinacion Abuxhan, humbi kontaktin me kullën e kontrollit në Lagos, pak kohë pas ngritjes. Njoftimet e shtypit thonë se piloti bëri kërkesë për ndihmë, pak kohë para se aeroplani të zhdukej nga radarët. Radioja shtetërore nigeriane thotë se në aeroplan kishte edhe zyrtarë të lartë.

XS
SM
MD
LG