Lidhje

Kryengritësit në Kirkuk lirojnë një të dyshuar


Policia irakiane thotë se persona të armatosur kryen një sulm në një spital në qytetin verior të Kirkut dhe liruan një të plagosur, i cili ishte ndaluar nën akuzat për komplotin e vrasjes së një gjykatësi të gjyqit të Sadam Husein-it. Një zyrtar i lartë i policisë tha se tre roje u vranë dhe 6 të tjerë u plagosën gjatë sulmit që u krye sot në orët e para të mëngjesit.

Në një tjetër incident, një ushtar amerikan u vra, kur makina me të cilën ai po udhëtonte hasi dje në një minë pranë qytetit perëndimor të Habanias.

Ndërkohë, në Londër, Sekretari i Jashtëm britanik Jack Straw tha se britania nuk munde t’i përmbushë kërkesat e rrëmbyesve që kanë kapur një aktivist britanik të paqes dhe tre pengje të tjerë nga vende perëndimore. Zoti Straw tha se asnjë qeveri nuk do të mund t’i përmbushte kërkesat e tyre. Rrëmbyesit kanë kërcënuar se do t’i vrasin pengjet, në se nuk lirohen të burgosurit irakianë në burgjet e Shteteve të Bashkuara dhe ato irakiane deri nesër.

XS
SM
MD
LG