Lidhje

Sasia e dëborës në brigjet lindore të Shteteve të Bashkuara shënon nivele rekord


Banorët përgjatë brigjeve lindore të Shteteve të Bashkuara po përpiqen të rifillojnë sot aktivitetet normale pas sasisë rekord të dëborës që ra gjatë fundjavës. Ekipet e pastrimit të rrugëve po punojnë pa pushim për t’i mbajtur rrugët kryesore të hapura.

Megjithëse rreshjet kanë pushuar, vonesat e shërbimit hekurudhor dhe akulli nëpër rrugë e kanë vështirësuar transportin. Autoritetet po ashtu po punojnë për të rikthyer energjinë elektrike për 200 mijë banorë të zonës së Uashingtonit. Aeroportet rifilluan përsëri fluturimet sot për mijëra udhëtarët e bllokuar dje nga dëbora.

Një aeroplan i linjave turke rrëshqiti mbrëmë në pistën e aeroportit Kenedi të Nju Jorkut, por pa shkaktuar ndonjë dëm tek udhëtarët. Në Parkun Qendror të Nju Jorkut dëbora arriti trashësinë 68 centimetra, duke thyer rekordin e mëparshëm prej 67 centimetrash të vendosur në vitin 1947. //rd//

XS
SM
MD
LG