Presidenti Bush konfirmoi se Shtetet e Bashkuara mund të konsiderojnë sulme parandaluese ushtarake kundër terroristëve dhe vendeve armike.
Në strategjinë e re të tij të sigurimit kombëtar, Presidenti Bush thekson se Amerika parapëlqen diplomacinë për të ndaluar përhapjen e armëve të shkatërrimit në masë.
Në dokumentin e publikuar dje theksohet se sulmet parandaluese mund të ndërmerren edhe nëse nuk dihet me siguri koha dhe vendi ku mund të kryhet një sulm armik.
Një zëdhënës i Shtëpisë së Bardhë u pyet më vonë për ligjet ndërkombëtare kundër sulmeve parandaluese. Ai e mbrojti këtë politikë duke e quajtur atë të drejtë për vetë-mbrojtje.
Në dokument, presidenti Bush veçon Iranin si sfidën e vetme, më të vështirë, në fushën e sigurimit, me të cilën ndeshen Shtetet e Bashkuara. Ai thotë se diplomacia ndërkombëtare duhet të ketë sukses për ta bindur Iranin të heqë dorë nga synimet bërthamore në mënyrë që të shmanget ballafaqimi.