Lidhje

Presidenti Bush do t'i drejtohet vendit të hënën në mbrëmje mbi çështjen e imigracionit


Presidenti Bush do të mbajë një fjalim drejtuar vendit të hënën në mbrëmje mbi çështjen e imigracionit.

Një zëdhënës i Shtëpisë së Bardhë nuk dha detaje për fjalimin por tha se sigurimi i kufijëve është një shqetësim kryesor.

Lajmi për fjalimin vjen pasi udhëheqës të senatit mundën të rigjallërojnë debatin mbi reformat e imigracionit që mund tu hap rrugën për shtetësinë amerikane për miliona imigrantë të paligjshëm.

Marrëveshja u arrit të enjten nga udhëheqësi i shumicës në Senat Bill Frist dhe Udhëheqësi i pakicës Harry Reid pas një ngërçi politik disa javor.

Kyçi i marrëveshjes ishte rënia dakort që senatorët të mund të negociojnë me Dhomën e Përfaqësuesve në përpjekje për të zgjidhur mosmarrëveshje mes projekt-ligjeve të tyre.

Dhoma e Përfaqësuesve miraoi një masë të rreptë në dhjetor që do ta bënte imigracionin e paligjshëm krim dhe bën thirrje për vendosjen e një seksioni të gjatë gardhi në kufirin Meksikë-SHBA.

XS
SM
MD
LG