Juria në gjyqin ndaj gjigandit energjitik Enron, arriti në përfundimin se dy ish drejtues të lartë të saj janë fajtore për mashtrim dhe bashkëpunim në aktivitete të paligjshme.
Ish-drejtori ekzekutiv i Enronit, Xhef Skilling, si dhe themeluesi dhe kryetari i kompanisë Ken Lei u gjykuan në Huston të Teksasit, nën akuzat se kishin gënjyer për gjendjen financiare të kompanisë së tyre për të mashtruar investitorët. E njejta juri, e shpalli të pafajshëm ish drejtorin ekzekutiv Skilling, nga akuzat për shit-blerje të paligjshme aksionesh bazuar në informacione të brendshme, të paautorizura.
Falimentimi i Enronit në vitin 2001 u kushtoi investitorëve miliarda dollarë dhe shkaktoi humbjen e mijëra vendeve të punës. Dy ish-drejtuesit e lartë të kompanisë mund të dënohen me disa dekada burgim, kur gjykata të shpallë masën e dënimit për ta.//lk