Presidenti palestinez Mahmud Abas dënoi sulmet ajrore të Izraelit kundër zyrës së kryeministrit Ismail Haniye në qytetin e Gazës, duke e quajtur këtë një akt kriminal.
Zoti Abas dhe zoti Hanijeh bënë sot një viozitë në zyrat e djegura duke akuzuar Izraelin për arrogancë në ofensivën e tij që synon lirimin e një ushtari të rrëmbyer. Deputetë të moderuar palestinezë thanë se veprimet e Izraelit po e rëndojnë më tepër gjendjen.
Kryeministri i Izraelit, Ehud Olmert tha sot se askush nuk është i imunizuar ndaj ofensivës izraelite. Izraeli mban përgjegjës Hamasin për rrëmbimin e ushtarit dhe ka ndërmarrë sulme ajrore kundër disa objekteve në Gazë si presion që ekstremistët të lirojnë ushtarin.
Të paktën një ekstremist i Hamasit u vra në sulmet e sotme me raketa.
Presidenti Abas është takuar me të dërguarin e posaçëm të Kombeve të Bashkuara për Lindjen e Mesme për të diskutuar mbi gjendjen. Deri tani bisedimet nuk kanë dhënë ndonjë rezultat.//ii