Kryeministri britanik Toni Bler i tha kryeministrit kroat Ivo Sanader se nuk ekziston asnjë pengesë politike që Kroacia të bëhet anëtare e Bashkimit Evropian.
Zoti Bler tha se çështja e vetme është nëse Kroacia do të jetë në gjendje të plotësojë kushtet për anëtarësim. Ndër këto kushte përfshihet zbatimi i një sërë reformash.
Muajin e kaluar Kroacia filloi bisedimet zyrtare për anëtarësim në Bashkimin Evropian brenda vitit 2009. Bisedime të ngjashme Kroacia ka filluar edhe për anëtarësim në Nato, dhe kryeministri britanik tha se ai e mbështet këtë përpjekje.
Takimi i sotëm në Londër ishte i pari takim zyrtar midis kryeministrave të Britanisë dhe Kroacisë.