Lidhje

Ministrat e financave të Grupit të Shtatëshes i kërkuan Kinës të lejojë ngritjen e vlerës së monedhën së saj


Ministrat e financave të shtatë vendeve më të industrializuara të botës po i kërkojnë Kinës ta lejojë monedhën e saj t’i shtohet vlera më shpejt për të lehtësuar çekuilibrin tregëtar.

Në një deklaratë të lëshuar sot, ministrat e grupit të shtatëshes thonë se ka nevojë për një fleksibilitet më të madh në kurset e këmbimit të disa ekonomive që po rriten, veçanërisht të Kinës.

Po sot ministrat e grupit të shtatëshes u takuan me zyrtarë të lartë kinezë për bisedime mbi çekuilibrin e tregëtisë globale.

Pas takimit, guvernatori i bankës qëndrore të Kinës tha se vendi i tij është i gatshëm të shqyrtojë me seriozitet çdo propozim në lidhje me politikat e tij monetare.

Lidhur me çështje të tjera, ministrat e financave të grupit të shtatëshes thanë se ekonomitë e tyre mbeten të forta megjithë ngadalësimin e rritjes në Shtetet e Bashkuara dhe se inflacioni dhe politikat e protektonizmit në tregëti vazhdojnë të përbëjnë rrezik.

Ministrat janë mbledhur në Singapor para takimit vjetor të Fondit Monetar Ndërkombëtar dhe Bankës Botërore që zhvillohet të martën dhe të mërkurën.

XS
SM
MD
LG