Forcat izraelite i dhanë fund një ofensive njëjavore në qytetin e shkatërruar të Gazës Veriore, Beit Hanun, e cila shkaktoi vdekjen e më shumë se 50 palestinezëve, shumica e të cilëve ekstremistë.
Ndërsa mjetet e blinduara izraelite u larguan të martën nga qyteti, një tank qëlloi dy predha kundër shtëpisë së një ligjvënësi të Hamasit, i cili organizoi javën e kaluar një protestë me gra, e cila u dha mundësi dy kryengritësve të largoheshin nga një xhami e rrethuar nga forcat izraelite. Të paktën një person në shtëpinë e ligjvënësit njoftohet se është vrarë.
Izraeli thotë se ofensiva që shkaktoi luftimet më të ashpra në Gaza në më shumë se një vit, synonte pakësimin e kapacitetit të ekstremistëve, të cilët qëllojnë rregullisht me raketa në Izrealin Jugor.
Ndërkohë, fraksioni i presidentit palestinez, Mahmud Abaz, dhe grupi ekstremist në pushtet Hamas zhvilluan të martën bisedime për të dytën ditë në përpjekje për të krijuar një qeveri të unitetit kombëtar. //az//