Shqipëria rrezikon të futët në një spirale të rrezikshme krize politike pas vendimit të opozitës per të mos marrë pjesë në zgjedhjet e 20 janarit. Socialistët vendosën në mbrëmje gjatë një mbledhje të asamblesë së tyre se ''distancohen nga çdo proces elektoral antikushtëtues e antiligjor pa standarde demokratike që synon deformimin e vullnetit të zgjedhësve shqiptarë më 20 janar. Sipas tyre po imponohet dhunshëm një ''farsë ku asnjë forcë progresiste nuk mund të marrë pjesë''.
Me rezolutën është bashkuar edhe partia tjetër e majtë Levizja Socialiste për Integrim. Të gjitha forcat e majta pritet të mos regjistrohen për garën elektorale, afati per të cilën u mbyll të hënën në mesnatë.
Shumica e drejtuar nga kryeministri Sali Berisha duket e vendosur të mos ndryshojë qendrim. Zoti Berisha e bëri fare të qartë se e djathta do të futët në zgjedhje edhe pa opozitën. Kryeministri akuzoi liderin socialist Edi Rama se ''po tërheq zvrrë vendin për intëresat e tij personale''.
Me vendimin e së hënës procesi zgjedhor futet në një udhëkryq pa rrugëdalje. E majta është shprehur në vendimin e saj se nuk ''do të pranojë asnjë udhëzim apo rregull të imponuar në rrugë të njëanshme e që zgjat zinxhirin e zgjedhjeve të kontestuara, të deformuara e të papranueshme'', duke paralajmeruar ne ketë mënyrë se perfaqesuesit e saj që kontrollojnë shumicën e bashkive dhe komunave të vendit nuk do të bashkepunojnë për hartimin e listave të votuesve, kompetëncë që ligji ua njeh eskluzivisht atyre. Një qendrim i tillë do të bllokonte thuajse tërësisht procesin që tashmë mbeshtetet vetëm në kodin e vjetër zgjedhor shumë prej afateve të të cilit jane tëjkaluar prej muajsh.
Për situatën e krijuar gjatë ditës u shprehën të shqetësuar dhe përfaqësuesit e Komisionit Evropian të cilët ndodhen në Tiranë për takimin e radhës me autoritetet shqiptare. I ngarkuari për Shqipërinë dhe Bosnjen, Dirk Langhe u shpreh se ''procesi do të monitorohet me shumë kujdes. Nëse do të ketë hapa prapa kjo do të ndikojë marredhëniet mes Tiranës dhe Brukselit si dhe vetë imazhin e Shqiperisë''.