Autoritetet kanë në plan të ngrenë akuza ndaj një astronauteje të agjencisë amerikane të hapërisës NASA, për tentativë vrasje të një gruaje të cilën e konsideronte rivalen e saj për të tërhequr vemendjen e një kolegu astronaut.
Një zëdhënës i burgut të Orlandos në Florida, tha se policia është në procesin e shtimit të një akuze të re ndaj astronautes Lisa Nowak.
Gjykatësi i dha asaj të drejtën e mbrojtjes në liri, por akuza e re ka bërë që ajo të mbahet nën arrest.
Policia tha se 43-vjeçarja Novak shkoi me makinë rreth 1 mijë e 500 kilometra nga Hustoni i Texasit për në Orlando të Floridës, për t’u konfrontuar me Colleen Shipman, të cilën e konsideronte rivale në dashurinë e saj për pilotin e hapësirës William Oefelein.
Shipman i tha policisë se Novak kishte vënë paruke dhe kishte veshur një kapardinë, kur e sulmoi atë në një aeroport të Orlandos dhe se i kishte spërkatur në sy me spec të kuq. Shipman u largua me makinë dhe thirri policinë, që e kapi Novakun dhe pas kontrollit gjeti në makinën e saj një thikë, çekiç çeliku, një tub gome dhe një letër dashurie për pilontin Oefelein.