Forcat izraelite kanë vendosur ndalim-qarkullimin në qytetin Nablus të Bregut Perëndimor, ndërkohë që trupat po zhvillojnë bastisje shtëpi në shtëpi, për të gjetur ekstremistë.
Sipas dëshmitarëve, një numër i madh makinash ushtarake hynë sot në mëngjes në Nablus, duke bllokuar rrugët dhe duke rrethuar ndërtesat, përfshirë spitalet. Izraeli thotë se dy ushtarë u plagosën në luftime me ekstremistët. Zyrtarët palestinezë thonë se disa banorë të Nablusit gjithashtu u plagosën gjatë dhunës.
Forcat izraelite morën kontrollin e stacioneve lokale të radios, për të transmetuar emrat e ekstremistëve të kërkuar. Zyrtarët ushtarakë izraelitë thotë se operacioni ka për synim gjithashtu gjetjen e stoqeve me lëndë plasëse.
Ligjvënësi palestinez Saeb Erekat e dënoi operacionin, duke thënë se do të nxisë një cikël të ri dhune ndërmjet Izraelit dhe palestinezëve. //kk//