Irani thotë se do të marrë pjesë në konferencën ndërkombëtare mbi Irakun, që do të mbahet të shtunën në Bagdat. Ministri i Jashtëm iranian, Manuçer Motaki tha sot në një konferencë shtypi në Teheran se zëvëndës-ministri i jashtëm për çështjet ligjore dhe ndërkombëtare do të kryesojë delegacionin iranian në konferencën e Bagdatit.
Më parë, Irani kishte lënë të kuptohej se ishte në favor të pjesëmarrjes, por kishte disa rezervime. Konferenca e Bagdatit pritet të përqëndrohet në diskutimin e mënyrave për stabilizimin e Irakut. Në të pritet të marrin pjesë përfaqësues të vendeve fqinje të Irakut si dhe 5 vendeve anëtare të përhershme të Këshillit të Sigurimit të OKB-së, Shtetet e Bashkuara, Britania, Franca, Rusia dhe Kina.
Nuk është e qartë në se Shtetet e Bashkuara do të zhvillojnë bisedime të drejtpërdrejta me Iranin dhe Sirinë në atë konferencë, vende këto që Uashingtoni i akuzon për ndërhyrje në punët e brëndshme të Irakut.//lk