Përfaqësuesit kryesorë amerikanë dhe koreanoveriorë në negociatat mbi programin bërthamor të Phenianit, thonë se janë optimistë pas bisedimet që zhvilluan në Nju Jork dhe që synojnë normalizimin e marrëdhënieve diplomatike.
Ndihmës-sekretari amerikan i Shtetit Kristofer Hill tha, pas dy ditë bisedimesh, se mendon që Koreja e Veriut është futur në rrugën e eliminimit të programit të saj bërthamor. Përfaqësuesi koreanoverior Kim Kye Guan tha se bisedimet ishin të mira dhe konstruktive.
Bisedimet e zhvilluara dje dhe pardje ishin pjesë e një marrëveshjeje gjashtëpalëshe të arritur muajin e kaluar, ku Pheniani premtoi t’u japë fund programeve të tij të armëve bërthamore, në shkëmbim të ndihmave dhe përfitimeve diplomatike.
Zoti Hill tha se ka rëndësi që Koreja e Veriut të deklarojë plotësisht veprimtaritë e saj bërthamore, duke përfshirë një program të uraniumit me pasurim të lartë që Shtetet e Bashkuara besojnë se zotëron Pheniani.//lk