Lidhje

Presidenti Bush në Kolumbi në kuader të turneut në 5 vende të Amerikës Latine


Presidenti Bush ka mbërritur sot në kryeqytetin kolumbian të Bogotas, për një takim me presidentin Alvaro Uribe në ndalesën efundit të turneut të tij në Amerikën Latine. Mbi 100 protestues u përleshën me forcat e policisë pranë pallatit presidencial kur zoti Bush mbërriti sot në Bogota.

Presidenti Bush dhe homologu i tij kolumbian pritet të diskutojnë mbi mbështetjen amerikane për Kolumbinë në luftën kundër trafikut të drogës dhe grupeve rrebele.

Qeveria kolumbiane ka marrë 4 miliardë dollarë ndihma gjatë 7 viteve tëfundit. Disa ligjvënës demokratë në Shtetet e Bashkuara kanë ngritur pyetje mbi shumën e ndihmave, veçanërisht për shkak të skandalit që lidhte zotin Uribe me grupet paraushtarake.

Zoti Bush është presidenti i parë amerikan që viziton kryeqytetin kolumbian që nga vizita e presidentit Regan në vitin 1982. Presidenti Bush arrin në Kolumbi pas vizitës në Uruguai, ku ai theksoi miqësinë e Shteteve të Bashkuara me Amerikën Latine. //ad//

XS
SM
MD
LG