Autoritetet në Pakistan thonë se të paktën 27 vetë gjetën vdekjen në përleshjet midis veprimtarëve rivalë politikë në Karaçi, në prag të një mitingu dhe një fjalimi nga ana e shefit të gjykatës të pushuar nga detyra, Mohamed Çaudri. Dhuna e detyroi zotin Çaudri ta e anulonte mbajtjen e fjalimit. Avokatët e tij thonë se ai u kthye me aeroplan për në Islamabad, pasi luftimet e ashpra dhe bllokimi i rrugëve e parandaluan atë shkonte nga aeroporti për në qytetin e Karaçit. Veprimtarë pro dhe kundër qeverisë shkëmbyen të shtëna me armë në rrugët ku pritej të zhvilloheshin demonstratat. Zyrtarët thonë se të paktën 90 vetë u plagosën sot gjatë shkallëzimit të dhunës. Një numëri makinash iu është vënë zjarri, ndërsa demonstrues me armë dhe flamuj të një partie pro qeveritare marshuan nëpër rrugët e Karaçit. Në Pakistan janë zhvilluar një numër demonstratash kundër shkarkimit të zotit Caudri nga ana e presidentit Pervez Musharaf. Zoti Musharaf tha sot se nuk ishte e nevojëshme për të shpallur një gjendje të jashtëzakonëshme. Në Karaçi u mblodhën sot edhe mijëra përkrahës së presidentit Musharaf./al/