Ushtria amerikane akuzoi Iranin se po përdor grupin militant shiit Hezbollah si mjet për të armatosur ekstremistët shiitë në Irak.
Gjeneral Brigate Kevin Bergner u tha gazetarëve në Bagdat se një operativ i rangut të lartë i Hezbollahut ishte kapur në muajin mars në Irakun jugor. Ai tha se forcat elitë iraniane Kuds dhe instruktorët e Hezbollahut stërvisin grupe prej 20 deri në 60 irakianësh në Iran dhe pastaj i dërgojnë ata në Irak për të ndërmarrë sulme.
Gjenerali Bergner akuzoi gjithashtu forcën Kuds për pjesmarrje në një sulm të muajit janar në Karbala, ku u vranë 5 ushtarë amerikanë. Personat e armatosur të veshur me uniforma të tipit amerikan kaluan nëpër rojet e sigurimit para se të kryenin sulmin. Irani mohon se ka gisht në aktivitete ushtarake në Irak.//lk