Lidhje

Manhatan: Shpërthimi i tubacionit të avullit shkakton nje të vdekur


Policia e Nju Jorkut tha se shpërthimi dje i një tubacioni avulli pranë stacionit hekurudhor Grand Central në Manhatan shkaktoi vdekjen e një personi dhe plagosjen e të paktën 14 të tjerëve.

Policia tha se shpërthimi i tubacionit i cili ndodhi gjatë orëve me trafik të dendur të mbrëmjes krijoi një shtëllungë të madhe tymi dhe pluhuri.

Qindra njerëz që ktheheshin nga puna u larguan me shpejtësi nga vendi i ngjarjes ndërkohë që aty arritën ekipet e zjarrfikseve dhe të emergjencës. Trenat e metrosë u devijuan nga stacioni kryesor.

Një zëdhënës i policisë së Nju Jorkut tha se shpërthimi nuk dukej të kishte lidhje me terrorizmin. Ende nuk është e qartë se cili ishte shkaku i shpërthimit.//ii

XS
SM
MD
LG