Lidhje

Në Sarandë arrestohen 12 vetë, mes tyre 6 policë


Forcat e policisë së Vlorës arrestuan sot 12 persona, gjashtë prej të cilëve pjesëtarë të policisë së Sarandës.

Të arrestuarit akuzohen për bashkëpunim në trafikun e emigrantëve të paligjshëm drejt Italisë. Arrestimet u kryen sot në Sarandë pas një urdhëri të Prokurorisë së Vlorës. Policia tha se gjashtë prej të arrestuarve janë oficerë të komisariatit të Sarandës dhe shërbenin në sektorin e policisë kufitare.

Sipas burimeve zyrtare aktiviteti kriminal i tyre hetohej prej katër muajsh nga Shërbimi i Kontrollit të Brendshëm. Gjatë kësaj periudhe janë grumbulluar provat materiale, si dhe janë dokumentuar fakte për cdo të ndaluar, tha në një njoftim polica e Sarandës. Të arrestuarit janë transferuar me elikopter në drejtim të Vlorës ku do të vijojnë hetimet.

Pak kohë më parë edhe policia e Gjirokastrës goditi një grup trafikantësh të emigrantëve mes të cilëve disa zyrtarë të lartë të polcisë vendore.

XS
SM
MD
LG