Astronautët në anijen amerikane Endeavour po bëjnë një ecje në hapësirë për të instaluar pajisje të reja në stacionin ndërkombëtar të hapësirës. Kjo është ecja e katërt dhe e fundit në hapësirë e misionit të anijes Endeavour.
Pas kësaj ecjeje ekuipazhi do të përgatitet për një kthim të parakohshëm të anijes për në tokë. Agjencia amerikane e hapësirës NASA ka planifikuar kthimin e anijes në tokë më herët nga sa ishte parashikuar, për t’ju shmangur pasojave që mund të sjellë uragani Dean në bazën e NASA-s në Huston të Teksasit.
Parashikuesit amerikanë të motit thonë se uragani Dean i cili tani po lëviz në Karaibe mund të arrijë brigjet e Gjirit të Meksikës në ditët e ardhshme. Nëse uragani do të drejtohet për në Huston, NASA do të detyrohet të ndryshojë planet dhe ta ulë anijen Endevër në qendrën e hapësirës Kennedy në Florida.//ii