Në Irak, udhëheqësit kryesorë shiitë, suni dhe kurdë thonë se kanë rënë dakord të zgjidhin çështjet kryesore, për t’i dhënë shtytje pajtimit kombëtar. Pesë udhëheqës politikë irakianë e bënë të njohur këtë zotim dje.
Zyrtarët irakianë thanë se kishin rënë dakord t’i lehtësojnë kufizimet ndaj anëtarëve të Partisë Baath të Sadam Huseinit, për të punuar në Ministritë e qeverisë, mes masave të tjera. Por zyra e presidentit irakian Xhalal Talabani tha se nevojiten bisedime të mëtjeshme për reformat kushtetuese dhe ligjin me rëndësi jetike të naftës.
Shtëpia e Bardhë i përgëzoi udhëheqësit irakianë për këtë zotim të tyrin, duke thënë se ishte “një simbol i rëndësishëm” për gadishmërinë e tyre për të punuar për të gjithë irakinët.
Ky vendim i udhëheqësve irakianë merret në prag të të muajit shtator, kur do të behet i njohur raporti mbi përparimin e bërë në Irak. Kongresi amerikan ka kërkuar që Iraku t’i plotësojë disa nga detyrimet e nevojshme, në shkëmbim të vazhdimit të fondeve për luftën.//lk