Lidhje

Irak: Qeveria thotë se nuk do ta dëbojë firmën “Blackwater”


Një zyrtar irakian thotë se tani për tani qeveria nuk do të ndërmarrë hapa për të dëbuar firmën amerikane të sigurisë që është nën hetime pasi ka lidhje me vrasjet e para pak ditëve në Bagdad.

Zyrtari i qeverisë Tahsin Sheikli tha sot se dëbimi i kompanisë Blackwater USA do të krijonte një boshllëk sigurie në Irak. Ai thotë se kjo do të kërkonte transferimin e trupave luftarake në detyra që kryhen nga firmat private të sigurisë.

Sheikli tha se Blackwater luan një rol të rëndësishëm në mbrojtjen e diplomatëve dhe kompanive të huaja në Irak.

Zyrtarët irakianë i akuzojnë rojet e firmës Blackwater se më 16 shtator kanë hapur zjarr dhe kanë vrarë 11 civilë irakianë në një rrugë të Bagdadit. Blackwater thotë se rojet e saj kanë reaguar në mënyrë të ligjshme ndaj një sulmi kundër një kolone diplomatike amerikane të cilën po e shoqëronin.

Pas vrasjeve, zyrtarët irakianë e pezulluan liçencën e firmës Blackwater në Irak për disa ditë. Megjithatë, firma rifilloi operacionet pardje, në ruajtje të një numri të kufizuar kolonash qeveritare amerikane. //kk//

XS
SM
MD
LG