Gazetarja Bojicic thotë se një burrë me këpucë ushtarake dhe me një maskë në fytyrë kishte hyrë me forcë në apartamentin e saj dhe e kishte rrahur. Ajo thotë se ai e kishte kërcënuar duke aluduar për njoftimet e saj në Zërin e Amerikës.
Duke e dënuar këtë sulm, Asociacioni i Gazetarëve Profesionistë të Kosovës kërkon nga autoritetet e rendit dhe ligjit në Kosovë, që sa më parë të hedhin dritë mbi këtë rast dhe të bëjnë të mundur zbatimin e drejtësisë.
Kjo shoqatë, nëpërmjet një komunikate dënon çdo cënim të lirisë së shtypit dhe të shprehjes në përgjithësi, duke i konsideruar ato thelbësore për ndërtimin e shoqërisë demokratike. Njëkohësisht, ajo i bën thirrje institucioneve dhe qytetarëve, që së bashku, të kontribuojnë për lirinë e shtypit në Kosovë. //kk//