Policia greke arrestoi të enjten një roje kufiri që vrau një emigrant shqiptar të paligjshëm që po përpiqej të hynte në Greqi.
Autoritetet thonë se shqiptari Gentian Lalioti, ishte pjesë e një grupi prej 11 personash që përpiqeshin të hynin në Greqi dhe se nëntë prej tyre iu bindën paralajmërimit për të ndaluar. Ata thonë gjithashtu se ndaj tij u hap zjarr, pasi ai së bashku me një tjetër pjesëtar të grupit u përpoqën t’u shpëtonin rojeve.
Qeveria greke ka ndërmarrë kohët e fundit një hetim ndaj akuzave të organizatave për të drejtat e refugjatëve për keqtrajtim të emigrantëve të paligjshëm nga autoritetet greke.//kk//