Zyrtarët pakistanezë njoftojnë se të paktën 20 persona kanë humbur jetën në dy sulme vetëvrasëse të cilat kishin si objektiv trupat pakistaneze në qytetin Ravalpindi, pranë kryeqytetit Islamabad.
Bomba e parë goditi një autobus në rrugën kryesore që lidh Ravalpindin me Islamabadin. Policia tha se sulmuesi i cili po ngiste një makinë të mbushur me eksplozivë goditi një autobus me të cilin udhëtonin punonjës të agjensisë pakistaneze të zbulimit.
Zëdhënësi i ushtrisë tha se incidenti i dytë ndodhi kur vetvrasësi ishte ndalur në një pikë kontrolli afër shtabit të ushtrisë në Ravalpindi. Vetë personi u vra dhe disa vetë u plagosën. Zyrtarët dyshojnë se sulmet janë të motivuara nga operacionet e ushtrisë kundër forcave pro talebane në krahinën problematike në veriperendim të vendit. //rd//