Ministri i jashtëm rus, Sergei Lavrov, tha se mbështetja nga ana e Perëndimit për pavarësinë e Kosovës po bllokon vazhdimin e bisedimeve midis serbëve dhe shqiptarëve të Kosovës.
Duke folur sot në Moskë, ministri Lavrov tha se Serbia ka paraqitur propozime komprimisi për statusin e Kosovës.
Ai tha se mundësia e përparimit është bllokuar për shkak se Perëndimi e konsideron pavarësinë e Kosovës si të pashmangshme.
Bisedimet me ndërmjetësimin ndërkombëtar mes Prishtinës dhe Beogradit përfunduan pa ndonjë marrëveshje dhe ditën e hënë ndërmjetësit do t’i raportojnë Sekretarit të Përgjithshëm të Kombeve të Bashkuara. (ze)