Presidenti palestinez Mahmud Abas tha se negociatorët izraelitë dhe palestinezë do të takohen të hënën për të filluar bisedimet mbi çështjet bazë që duhet zgjidhur për arritjen e një traktati paqeje.
Duke folur sot në Ramalla, zoti Abas tha se ekipe nga të dyja palët do të zhvillojnë bisedime për çështje që përfshijnë Jeruzalemin, refugjatët palestinezë dhe kufijtë e një shteti të ardhshëm palestinez.
Po sot, kryeministri izraelit, Ehud Olmert kritikoi vazhdimin e pranisë së paautorizuar të pikave të vëzhgimit në vendbanimet hebraike të Bregut Perëndimor. Zoti Olmert i tha një grupi aleatësh politikë se është turp që vendbanimet ende janë në këmbë megjithëse kanë kaluar 4 vjet që kur Izraeli premtoi se do t’i shembte ato.
Plani i paqes me mbështetjen ndërkombëtare i kërkon Izraelit që të ndalë ndërtimet e reja në këto vendbanime dhe të heqë pikat e vëzhgimit. Ai u kërkon njëkohësisht palestinezëve shpërbërjen e grupeve militante.//rd//