Presidenti Bamir Topi deklaroi mbrëmë se institucionet shqiptare duhet të bëjnë gjithçka që vendi të mos humbasë mundësinë për të marrë një ftesë për anëtarësim në Nato. Komentet e tij kreu i shtetit shqiptar i bëri gjatë një pritjeje që organizoi me përfaqësuesit e trupit diplomatik të akredituar në Tiranë.
Kreu i shteti shqiptar, Topi, u ndal edhe në çështjen e Kosovës.
Zgjedhjet e fundit në Kosovë, zgjedhja e Presidentit dhe proçesi i krijimit të qeverisë së re të koalicionit dhanë, sipas presidentit Topi, “garancinë më të madhe se Kosova është bërë tashmë një partner i besueshëm i Organizatës së Kombeve të Bashkuara, Bashkimit Evropian dhe NATO-s në angazhimet e saj për të ndërtuar standardet e kërkuara të demokracisë dhe sigurisë në vend, të funksionimit të shtetit ligjor e të institucioneve të tij, si dhe të respektimit të të drejtave të minoriteteve dhe përfshirjes së tyre në qeverisje.”
“Dita-ditës Kosova – shtoi presidenti Topi - po provon se është e aftë të marrë përgjegjësitë e të qenit e pavarur”. //ii