Presidenti rus Vladimir Putin shprehu përsëri kundërshtimin e tij ndaj shpalljes së njëanshme të pavarësisë së Kosovës.
Udhëheqësi rus u tha gazetarëve në Sofje se njohja ndërkombëtare e një hapi të tillë do të ishte e paligjshme dhe e pamoralshme.
Zoti Putin përsëriti thirrjen e tij për vazhdimin e bisedimeve në kërkim të një kompromisi mes Beogradit dhe Prishtinës.
Mikpritësi i Zotit Putin, presidenti bullgar Georgy Parvanov, tha se mosmarrëveshjet për Kosovën nuk duhet ta përçajnë Bashkimin Europian. Ai i bëri thirrje për unitet BE-së lidhur me këtë çështje.
Shtetet e Bashkuara, Britania dhe shumë vende të tjera europiane mbështesin pavarësinë për Kosovën. Por disa vende të tjera si Qiproja, Greqia, Spanja, Sllovakia dhe Rumania kanë shprehur shqetësime se pavarësia e Kosovës mund të çojë në kërkesa të ngjashme të pakicave të tyre etnike. //ii