Fondi Monetar Ndërkombëtar thotë se parashikon që ekonomia globale të ngadalsohet ndjeshëm këtë vit për shkak të problemeve në tregjet financiare si pasojë e krizës në sektorin amerikan të shtëpive.
FMN-ja e uli parashikimin e zhvillimit global për 2008 në 4,1 për qind nga 4,9 përqind që kishte parashikuar vitin e kaluar. Parashikimi i mëparshëm për 2008 ishte 4,4 për qind.
Analiza e re e FMN-së parashikon se zhvillimi i ekonomisë amerikane do të ngalsohet me 1,5 për qind në vitin 2008.
Banka Qendrore e Shteteve të Bashkuara filloi sot një takim dy ditor, i cili, sipas shumë ekonomistëve, do të rezultojë në një ulje tjetër të përqindjes së interesave për të ndihmuar në nxitjen e ekonomisë dhe parandalimin e shitjeve në masë në tregjet globale të aksioneve.
Të martën e kaluar, Banka Qendrore, e njohur si Rezerva Federale, uli interesat në masën 0,75 duke arritur në 3,5 për qind. Një ulje tjetër prej 0,25 për qind pritet të njoftohet në përfundim të takimit nesër. //iç//