Lidhje

Arabia Saudite, gati të prodhojë më shumë naftë


Arabia Saudite njoftoi se është gati të prodhojë më shumë naftë nëse konsumatorët kanë nevojë për të me synimin për të ndihmuar në lehtësimin e krizës së energjisë, që ka shkaktuar trazira shoqërore dhe ekonomike në gjithë botën.

Ministri saudit i naftës Ali al-Naimi tha se mbretëria mund të prodhojë edhe dy milionë e gjysëm fuçi në ditë në se kjo kërkohet nga konsumatorët. Arabia Saudite është eksportuesja më e madhe e naftës në botë.

Kjo ofertë e ministrit al-Naimi është pjesë e një plani më të gjerë të Mbretit saudit Abdullah, të cilin ai e paraqiti sot në Xheda në një takim të nivelit të lartë të thirrur për të diskutuar krizën për energji me pjesëmarrjen e prodhuesve dhe konsumatorëve kryesor të naftës.

Mbreti saudit u zotua të japë një miliardë dollarë për të ndihmuar vendet e varfëra që të përballen me çmimet e larta të karburantit.

Udhëheqësi saudit tha se spekullimet dhe taksat e larta të karburantit po ngrenë çmimet. Mbreti Abdullah tha se Arabia Saudite e ka rritur prodhimin me 200 mijë fuçi në 9 presje 7 milionë në ditë. //rd//

XS
SM
MD
LG