Një njoftim i medias serbe thotë se Beogradi ka filluar procedurat ligjore kundër një prej diplomatëve të saj i cili akuzohet se ka ndihmuar një lojtar të një ekipi universitar basketbolli të arratisej nga Shtetet e Bashkuara pasi ishte akuzuar se kishte rrahur keq një student tjetër.
Radioja e pavarur B92 e Beogradit citon Ministrinë e Jashtme serbe të ketë thënë se autoritetet kanë shkarkuar nga detyra zëvendës-konsullin në Shtetet e Bashkuara, Igor Millosheviç, për lëshimin e paligjshëm të një pasaporte emergjente të dyshuarit Millan Kovaçeviç.
Basketbollisti Kovaçeviç, i gjatë 2,05 metra dhe me peshë
118 kilogramë ishte rekrutuar për të luajtur basketboll në Bigamton të Nju
Jorkut. Ai u arrestua më 4 maj pas një përleshjeje në një lokal, e cila la një
nga studentët thuajse pranë vdekjes. Studenti vazhdon të jetë në gjendje
kritike dhe nuk është ende i vetëdijshëm.
Pas
disa javëve në burg, i dyshuari Kovaçeviç u lirua me kusht dhe u detyrua të
dorëzonte pasaportën e tij serbe. Por senatori amerikan Çarls Shumer thotë se
përfaqësuesi serb Millosheviç i ka dhënë të dyshuarit dokumenta udhëtimi
emergjente. //ad//