Në Shqipëri presidenti Bamir Topi dekretoi emrat e 6 kandidatëve të rinj për anëtarë të gjykatës së Lartë.
Muajin e kaluar parlamenti me votat e shumicës rrëzoi në bllok 5 kandidatura për këtë Gjykatë duke provokuar një përplasje me kreun e shtetit.
Pas kësaj presidenti ngriti një grup pune me juristë të cilët pas propozimeve edhe të partive politike përcaktuan kriteret e përzgjedhjes së emrave. Nga 105 kandidatura presidenti Bamir Topi zgjodhi 6 prej tyre, gjyqtarë dhe avokatë me shumë vite eksperiencë.
Dekretet e presidentit erdhën pak pasi parlamenti mbrëmë miratoi me
konsensusin e dy forcave kryesore politike ndryshime në rregulloren të
cilat parashikojnë seanca dëgjimore me kandidaturat për institucionet
kushtetuese si dhe i njohin të drejtën komisionit të ligjeve të
shqyrtojë përmbushjen e kritereve ligjore dhe meritën e cdo kandidati. //bsa//