Fondi Monetar Ndërkombëtar publikoi të enjten shifrat e
rishikuara për rritjen ekonomike botërore dhe parashikon që rritja ekonomike
këtë vit të jetë 4,1 përqind dhe paksa nën 4 për vitin 2009. Ekonomistët e e FMN-së thonë se megjithë
ritmin e ngadalshëm të rritjes në ekonomitë perëndimore, në përgjithësi gjendja
në botë është mjaft e mirë. Shifrat
tregojnë se nuk ka të ngjarë që të ketë ndonjë ngecje ekonomike në botë.
Lajmet e kohëve të fundit
mbi ekonominë në Shtetet e Bashkuara nuk kanë qënë inkurajuese. Rënia e një banke të njohur amerikane shkaktoi panik tek shumë
klientë. Qeveria amerikane ndërhyri për
të shpëtuar nga kriza dy kompani të mëdha huadhënëse. Gjithashtu inflacin
është më i larti në dhjetëvjeçarin e
fundit.
Megjithatë, Fondi Monetar Ndërkombëtar parashikon
që rritje ekonomike të jetë më e partë se sa ishte parashikuar tri muaj më
parë. Sajmon Xhonson është
kryekonomisti i FMN-së, që do të largohet nga posti i tij së shpejti.
"Pasojat e problemeve financiare që filluan verën e kaluar, dhe pikërisht në gusht 2007, po njehen në të gjitha degët e ekonomisë amerikane dhe në ekonomi të tjera të industrializuara. Por në një farë mase më pak se sa e kishim parashikuar. Pra, për sa i përket rritjes ekonomike në tremujorin e parë, lajmet janë të mira."
Një rritje ekonomike, megjithëse e vogël, pritet në Shtetet e Bashkuara për këtë vit, por vitin e ardhëshëm përmirësimi do të jetë edhe më i ndjeshëm. Rritja ekonomike në vendet në zhvillim po vazhdon me një ritëm të kënaqshëm. Në Kinë, prodhimi i përgjithëshëm kombëtar pritet të jetë rreth 10 përqind më i madh, paksa më poshta nga ç'ishte në vitin 2007, kur rritja ishte 12 përqind.
Por zoti Xhonson thotë se monedha kineze është e nënvlerësuar dhe Kina duhet të lejojë ngritjen e saj më me shpejtësi.
Disa ekonomistë e shikojnë shtërngesën e vitit të fundit për kredi, që
filloi me tregun e banesave të Shtetet e Bashkuara, se po i afrohet
fundit. Një prej tyre është Jozef
Akerman, i Bankës Gjermane. Ai paralajmëron se ekonomia botërore ka përballë
sfida të reja.
"Ne kemi problemin e ngritjes së
çmimeve të artikujve të përditshëm, përfshirë çmimet e ushqimeve dhe të
benzinës. Por ashtu problem është vlera
e ulët e dollarit."
Në përgjithësi, thonë parashikuesit e ekonomisë,
megjithë presionin e pashembullt, ekonomia botërore po ecën me një ritëm më të
mirë nga sa pritej tri muaj më parë. //bsa//