Ekonomia amerikane shënoi rritje të lehtë gjatë tremujorit të dytë të këtij viti. Sipas një raporti të sotëm të Departamentit të Tregëtisë, Prodhimi i Përgjithshëm i Brendshëm shënoi një rritje prej 1,9 përqind.
Kjo është një
përqind më shumë se sa në tremujorin e mëparshëm. Rritja erdhi si rezultat i shtimit të
eksporteve dhe shtimit të shpenzimeve nga konsumatorët. Analistët po ashtu
thonë se ndikim ka patur edhe paketa stimuluese ekonomike e qeverisë.
Presidenti Bush tha sot se rritja nuk është aq e lartë sa dëshironte administrata e tij, por ai shtoi se ajo është gjithsesi më e lartë se parashikimi para disa muajsh.
Raporti i sotëm po ashtu botoi shifra të reja për ekonominë gjatë vitit të kaluar. Sipas tyre ekonomia amerikane ra gjatë fundit të vitit të kaluar, duke shënuar një rritje negative për herë të parë që nga viti 2001.//kh//