Kandidatët për president të Shteteve të Bashkuara, John McCain dhe Barack Obama kanë deklaruar se do të marrin pjesë në tre debate presidenciale deri në zgjedhjet e nëntorit.
Debatet do të zhvillohet në fund të shtatorit dhe në tetor dhe do të përqendrohen në politikën e jashtme, sigurinë kombëtare, ekonominë dhe politikat e brëndshme.
Një debat mes kandidatëve ende të pacaktuar për postin e nënpresidentit do të zhvillohet në 2 tetor.
Senatori Obama akuzoi sot senatorin McCain se siç tha ai zoti McCain nuk është i sigurt sesa shtëpi zotëron.
Senatori demokrat tha në Virxhinia se kundërshtari i tij republikan nuk e njeh jetën e amerikanëve në nevojë.
Ai po kështu e akuzoi zotin McCain që ky i fundit ndryshoi mendimin e tij duke mohuar ta ketë vënë ndonjëherë në pikpyetje patriotizmin e zotit Obama e të ketë thënë që zoti Obamat i vë ambiciet e tij personale para interesave kombëtare.
Senatori McCain nuk ka pasur asnjë takim publik ditën e sotme.