Presidenti i Shqipërisë, Bamir Topi, vlerësoi sot punën e Agjencisë Amerikane për Zhvillim Ndërkombëtar (USAID), duke dekoruar drejtorin e kësaj agjensie për Shqipërinë Eduard Landau. Presidenti i dha zotit Landau “medaljen e mirënjohjes” për “kontribut të vyer në forcimin e mëtejshëm të marrëdhënieve miqësisë tradicionale shqiptaro-amerikane”.
Zoti Landau tha në ceremoni se suksesi i USAID-it mbështetet
tek vlerat që populli amerikan dhe ai shqiptar kanë dhe besojnë si liria,
drejtësia dhe institucionet demokratike, tregu i lirë. “Të dyja palët - tha ai
- besojnë tek shpirti sipërmarrës i qytetarëve, tek qeverisja efektive dhe tek bashkëpunimi për të përmirësuar
situatën ndërkombëtare. Në të gjitha këto përpjekje,Shqipëria është një aleate e vërtetë e SHBA".
Drejtori i USAID-it për Shqipërinë, Landau, tha se “një ndër
arsyet e suksesit tonë në Shqipëri është edhe fakti se të gjithë shqiptarët
kanë të njëjtin vizion dhe objektiv për të ardhmen afatgjatë të vendit. Ata
beojnë tek ntegrimin në institucionet euro-atlantike, duke lujatur një rol
konstruktiv në arenën ndërkombëtare. Kjo na ka ndihmuar mjaft në zbatimin e
programeve tona dhe të arrijmë rezultate të mira”.
USAID është i njohur në Shqipëri për projektet në forcimin e institucioneve demokratike, ndihmën për të luftuar korrupsionin, për të fuqizuar sistemin e drejtësisë, dhe pushtetin vendor.
Në mars USAID dhuroi për 50 mijë dollarë në ushqime dhe materiale për 700 familje të prekura nga shpërthimi aksidental i municioneve në një godinë ushtarake në fshatin Gërdec, pranë kryeqytetit .
Në janar, USAID nisi në 10 bashki të Shqipërisë një projekt
7,3 milionë dollarë për forcimin e pushtetit vendor dhe rritjen e shërbimeve
për komunitetin. Po në janar, në 10 gjykata shqiptare nisi një tjetër projekt i
USAID-it 3,9 milionë dollarë për të rritur transparencën dhe antikorrupsionin
në drejtësi. Projektet e reja nisën sapo u mbyllën me sukses projekti për
Qendrën e Regjistrimit të Bizneseve dhe e Agjencisë Kombëtare të Shoqërisë së
Informacionit, një tjetër përpjekje për të rritur transparencën e
administratës, shërbimet ndaj publikut dhe luftën kundër korrupsionit. //rd//