Instituti Alb-Shkenca dhe një grup i madh studiuesish nga vende të ndryshme të botës organizuan të hënën në Tiranë takimin e tretë shkencor ndërkombëtar për të paraqitur punimet e tyre më të fundit shkencore. Konferenca treditore është pjesë e përpjekjeve për të mbështetur kërkimet shkencore dhe e angazhimit për të kthyer në Shqipëri studiuesit e suksesshëm shqiptarë nga vendet perëndimore.
