Zyrtarët rusë thonë se kanë gjetur kutinë e zezë ku është regjistruar komunikimi nga avioni i kompanisë Aeroflot, i cili u rrëzua Të dielën në Malet Urale. Në këtë incident gjetën vdekjen 88 vetë, 82 prej të cilëve pasagjerë dhe 6 pjesëtarë të ekuipazhit.
Zyrtarët shpresojnë se gjetja e kutisë së zezë do t'i ndihmojë të zbulojnë shkakun e rrëzimit të avionit të prodhimit Boing 737, i cili udhëtonte nga Moska për në Perm.
Mbeturinat e avionit ranë në shinat e hekurudhës Trans-Siberiane duke penguar përkohësisht lëvizjen e trenave në linjën Perm-Jekaterinburg.
Autoritetet thonë se do t'u ofrojnë familjeve deri në 80 mijë dollarë shpërblim për secilën viktimë. //bsa//